Äwa Jliedaschoft

Wan wie wada jebuaren woaren, dan sent wie automatisch een Jliet en Gott siene heilje Kjoakj, toop met aule aundre Jleewje von de gaunze Welt.

​

Wie jleewen daut wan du en eene lokale Kjoakj nenn jeist un du een Christ best, dan best du veauntwuatlich to säajnen, deenen, jäwen, bäden un halpen, eendoont aus du en de Kjoakj een Jliet best oda nich. Dit es waut daut meent Jesus sien nofolja to sennen. Wan du nich een Velangen hast aundre to säajnen un to deenen, dan best du dienen Roop aus een Christ nich tru.

​

Fa aul Jleewje:

Bie Erwakjunk Kjoakj kaun jieda Jleewja dise foljende Dinja doonen:

1. Bie irjent Veaunstaultungen waut de Kjoakj haft metmoaken: Bibelstund, Klaussen, usw.

2. En veschiedne Deensten methalpen: Plauzaunwiesa, Kjinjaliera, Babysitter, Reinmoaka, Jesankleida, usw.

 

De Kjoakj Leidaschoft äwasit dise Amta un dee kjennen uk irjentwäm von een Aumt rut nämen wan doa Schwierichkjeiten sennen.​

​

Fa offizielle Jlieda en Erwakjunk Kjoakj:

1. En Väastaunts Leidaschoft Amta kjennen bloos Jlieda sennen.

2. Jlieda kjrieen Informazion äwa de Jelt Vewaultunk von de Kjoakj.

3. Jlieda kjennen aun eensje wichtjere Entscheidungen deel nämen waut en de Kjoakj jemoakt woaren.

4. Jlieda kjennen aun de Joaressitzungen deel nämen wua de Kjoakjenplons väajestalt un derchjerät woaren.