Vision Poat 1

Wie haben dit en 4 Poats enjedeelt:

​

1. Wie sent EENT en Christus.

    Een Jebied; Veschiedne Blakj

    a. Jleewje aula toop sent de Tempel wua Gott sien Jeist bennen wont.

    b. Een Jleewja auleen es nich de Tempel.

    c. Jieda Jleewja es een Poat aun dit Jebied un am sent Gowen un

        Fäichkjeiten jejäft worden von Gott, om disen Tempel opptobuen.

    d. Wan wie wellen wirkjsom toop schaufen, dan mot wie lieren to

        vestonen woon Plauz Gott jieda Person jejäft haft.

​

2. Wie sent EENT em Gloowen.

    Een Gloowen; Veschiedne Erfoarungen

    a. Menschen haben veleicht dän seljen Gloowen aun Jesus Christus,

        oba see haben veschiedne Erfoarungen.

    b. Wie komen toom Gloowen opp veschiedne Wäaj, un wie moaken uk

        veschiedne Erfoarungen en ons Waundel em Gloowen.

    c. Wie ranen em Trubble nenn wan wie jleewen daut jieeda Mensch

        krakjt daut erfoaren mot waut wie erfoaren haben.

    d. Dit es wuarom daut so wichtich es daut ons Gloowen opp Gott sien

         Wuat jebut woat, un nich opp onse Erfoarungen. Onse Erfoarungen

         kjennen sea veschieden senn, oba Gott sien Wuat blift emma daut

         selwje.

​

3. Wie sent EENT em Ziel.

    Een Enj; Veschiedne Aunfanks

    a. Daut enj Ziel fa jieda Jleewja es de Eewichkjeit met Jesus Christus toop.

    b. Oba, wie komen aula von veschiedne Städen em Läwen.

    c. Eenjemol es daut schwoa de veschiedne Christen to vestonen waut

        opp disen selwjen Wajch no de Eewichkjeit sent aus ekj. Oba wan

        eena en besje Tiet nemt om to kjikjen von wua see komen; Familje,

        Laund, Kjamf, usw., dan moakt daut aula senn.

    d. Wan wie ieescht lieren to vestonen von wua aundre Menschen

        komen, halpt ons daut met äant toop no daut selwje enj Ziel to

        sträwen.

​

4. Wie sent EENT enne Oabeit.

    Eene Oabeit; Veschiedne Oabeida

    a. Wie sent aula poat aun eene Hauptmission; nämlich, daut Evangelium

        äwa de gaunze Welt to vespreeden.

    b. Jleewje haben veschiedne Rollen en dise Oabeit.

    c. Dit poat von onse Vision haft doamet to doonen daut wie lieren to

        vestonen daut Gott ons veschiedne Gowen un Fäichkjeiten jejäft haft.

    d. Ekj kaun Dinja doonen waut du nich kaust. Du kaust Dinja doonen

        waut ekj nich kaun.

    e. Wan wie lieren onse Veschiedenheiten toop to brucken, dan kjenn wie

        fäl mea beschekjen en de Hauptoabeit: de Welt errieekjen fa Christus.